O SEGREDO DO BO GASTRÓNOMO

Campaña de Promoción 2022

Marisco de A Illa forma parte da tradición gastronómica da nosa terra.

Toda persoa que nos visita e proba este delicioso manxar non é quen de esquecer esa pracenteira experiencia…, e quere volver.

Volve! Este ano, o alumnado das escolas de hostalería de Galicia coñecerán o Marisco de A Illa sorprendéndose con sabores nunca imaxinados que formarán parte dos seus recordos para sempre.

Pero coidado, porque só serán quen de logralo aquelas persoas que saiban descifrar o segredo mellor gardado: o punto exacto de conxunción entre tradición e innovación. 

ACTOS NAS ESCOLAS DE HOSTALERÍA DE GALICIA

_18 de novembro de 2022 – Clase maxistral na Escola de Hostalería Paseo das Pontes (A Coruña).

_21 de novembro de 2022 – Clase maxistral no Centro Superior de Hostalería de Galicia (Santiago) e inauguración oficial da campaña 2022.

_5 de decembro de 2022 – Clase maxistral na Escola de Hostalería de Vilamarín (Ourense).

O cociñeiro Adrián Albino do restaurante Niño Corvo será o encargado do desenvolvemento das clases maxistrais de cociña con Marisco de A Illa (ameixa rubia, longueirón vello e camarón) así como coa alga codium tamén recolectada pola OPP20.

Promoción enmarcada no PPeC 2022 da OPP20.